Kimpenan Riko

Jarene, jogo jarak kudu dilakoni

Nanging saiki jogo ati sing biso setiti

Jarene, waktu poso kudu dijogo

Nyatane, koyo-koyo hang duwen roso

Heran sun herani dewe

Chatingan sing kelaksan wis suwe

Nanging apuo rupan riko sing nono preine

Moro teko moro lungo nang impen isun

Reng sopo sun kudu takonan

Yen gedigi hang dadi lakonan

Kimpenan riko macem-macem ceritan

Ono hang esem guyon ambi riko

Nganti koyo ono angin hang rupane nyoto

Waktu sahur sun pikiri

Impi hang nembe teko dalu iki

Ceritane riko lan isun enteni

Numpak prau kanggo nyebrangi kali

Nadane nyenengaken

Hawane anget lan adem

Nyatane, impen nisun koyo wong kesloloden

Buru guyu bareng wes kepedot gugahan emak isun

Nelongso keparo ora percoyo

Impen seneng sing biso tekan endinge

Impi isun hang biso gedigi gambare

Riko jelas keseron jelase

Nganti hang sun biso lalekne

Pitakon ati isun

Apuo kudu riko

Apuo dudu wong liyo

Hang jelas sun sing biso ketrimo

Hang jelas riko wis ono hang jogo